Исследовательская работа «Лялькі нашых бабуль»

Актуальнасць даследавання. Кожны чалавек павінен ведаць культуру і традыцыі свайго народа. А лялька з’яўляецца адлюстраваннем жыцця славянскага народа, адпаведна i нашых продкаў – беларусаў. І сёння цікавасць да лялькі не згасла, але ці захавалася ранейшае прызначэнне лялькі? Пра гэта я i паспрабую даведацца ў ходзе даследавання.

Мэта даследавання: гісторыя ўзнікнення, прызначэнне і тэхналогія вырабу славянскіх лялек.

Задачы даследавання:

• знайсцi і прааналізаваць навуковую інфармацыю па пытанні стварэння славянскай лялькі-абярэга, абрадавай лялькі і лялькі гульнявой;
• абагульніць, упарадкаваць і канкрэтызаваць атрыманую інфармацыю;
• поспрабаваць самой вырабіць ляльку;
• развіваць навыкі даследчай дзейнасці;
• звярнуцца наглядна да мінулага нашых продкаў;
• на сваiм прыкладзе паспрабаваць адрадзіць сапраўдныя традыцыі нашых продкаў у сучаснай культуры і соцыуме.

Гіпотэза: лялька не заўсёды была толькі цацкай.

Аб’ект даследавання: славянскія лялькі.

Сабраная мною інфармацыя дазволіла прааналізаваць, абагульніць i зрабiць высновы, чым сучасныя лялькі адрозніваюцца ад лялек нашых бабуль:
— Цацкi рабілі толькі рукамi.
— Выраблялі без іголкі і нажніц.
— Рабілі толькі з тканіны.
— Лялькi не мелі асоб.
— Служылі для гульні, абярэга, абрада.
— Ляльку рабілі ў кожнай сям’і і кожная з іх не была падобная на іншую.
— Лялек паважалі, захоўвалі і перадавалі па спадчыне.
У выніку даследавання мая гіпотэза пацвердзілася, беларуская лялька мела вялікае значэнне ў жыцці нашых продкаў. Лялька была для іх памочніцай у побыце, сацыяльны і асабістым жыцця. Галоўная ж каштоўнасць славянскай лялькі ў тым, што яна ўвасабляла ў сабе энергію, веды і ўменні народа. Праз ляльку ўсталёўвалася сувязь паміж пакаленнямі.
У мяне з’явілася новае цудоўнае захапленне – народныя лялькі. Бо іх вельмі шмат розных відаў, і ў кожнай свой сэнс, свая загадка. Шэраг лялек я паспрабавала вырабіць з дапамогай маці і зразумела, што такія лялькі я магу зрабіць самастойна і нават навучыць сваіх сябровак.